Sigfús Tryggvi Blumenstein

25.6.2009 | 13:16

Írland 1-0

Kingswear

21.juní

Góðan dag

Nú er siglingin hafin erum komnir framhjá eyjuni Wight og stefnum inní Ermasund

Siglum á 3,5-5.5 milna hraða með mótor núna.

Erum með vestan vind, sem er beint í fangið en hann á að snúast í dag og á morgun í NV sem er hagstæðara fyrir okkur .

Mótorinn gengur eins og lukka eftir síðustu viðgerð.

Það sem var að eftir að við höfðum tekið vélina alveg í sundur hónað sílendrana skipt um hringi í stimplunum heddið tekið og ventlasætin slípuð við ventlana þannig að vélin var orðin nokkuð þétt var að hún gekk ekki á einum sílender .

Nú voru góð ráð dýr allir voru tilbúnir til að hjálpa okkur við þetta og fengum við heimamanni Alan til að hjálpa okkur fór megnið af laugardeginum í það að finna út hvað var að hrjá vélina.

Alan að störfum, mikill snillingur!!

Reyndist olíuverkið ekki vera að gefa réttan þrýsting á eina dísuna ,var þar einn baksteymis ventill sem var laus.

Var hann hertur og hvað haldið þið ,,,vélin gekk á öllum 3 enda búið að nostra mikið við hana J

Einnig var púst kerfinu breitt þannig að ekki kæmi vatn aftur inná mótorinn.

Voru kallarnir á bryggjunni alltaf að reka nefið inn til okkar og óska okkur góðrar ferðar og gefa góð ráð.

Kveðja úr siglingunni sem er loks hafin!!

KingswearEmily and Barry thanks for all help

Viðgerðarmenn að störfum (mjög sveittir)

22/06

Erum komnir í höfn til að fylla á olíu (Diesel) því að við höfum verið að keyra á mótornum í alla nótt erum búnir með 60% af fyrsta legg og lygjum núna í Kingswear.

Allir í góðum gír nema gírinn í bátnum sem varð að fá nýja olíu en hann var farinn að gefa frá sér urghljóð og olían var ekkert lík þeirri gírolíu sem við þekkjum (saman bland af vatni ryði og olíu)og sett ný reim á tornum .

Var farið að gera klárt fyrir næstu ferð og lagt að stað úr höfn á mótornum.

Um nóttina sáum við Maurildin sem glömpuðu í kjölfarinu og Bein hákarl svamlaði í sjónum við bátinn.

Í nótt vorum við hræddir um að rafalinn við mótorinn væri að gefa sig en hann var það eina sem var ekki búið að rífa í sundur á Perkins garminum okkar.

Fleira var það ekki í bili

Tryggvi Jón og Addi

23.06.09

Eftir siglingu meðfram Ermasundsströndum Englands austur að Lands end ákvað leiðangurstjórinn að stefna til eyjunnar grænu en föllin á upprunalegu leiðinn í Írskahafinu voru þannig að við hefðum þurft að fara í höfn á 6 tíma fresti vegna strauma.

Erum nú á leiðinni á seglum þöndum ( að vísu er svo til enginn vindur) en göngum mest 4.5 mílur og spörum olíu sem við höfum notað mikið (enda mikið farin að spá í hvort þetta væri mótorbáturinn Mazilda)enda bara búnir að sigla 2 tíma á seglum áður .

24.06.09

Í nótt var nokkur vindur á Írlandshafi svo að seglin voru undin upp og slökkt á mótorunum og silgdu strákarnir eftir stjörnumerkinu Karlsvagninum um nóttina. Erum með vakta fyrirkomulag sem er 8-4 semsagt vaka í 8 tíma en sofa í 4 tíma, þetta riðlast svolítið og eru menn þreyttir eftir langa leggi.

Var svolítil bræla og varð Tryggvi með sjóveikis tilburði en strákarnir sendu hann í koju er þá ritarinn ónýtur

Kv Tryggvi Addi og Jón Diesel (Jhonny Diesel)

25.06.09

Erum í höfn í Írlandi eftir tæplega 2 sólarhrings siglingu , er þetta smábær sem heitir Baltimore

Bundum okkur við flotbryggjuna hér og stukkum frá borði og beint á næsta bar var pantaður 1pint

á haus og rétti Jón fram 20 GBP en barþjónninn tók í hornið á seðlinum eins og þetta væri notaður klósettpappír rétti Jóni og sagði við notum ekki svona hér!!! Kom Tryggvi þá til bjargar með visa gamla sem reddaði málunum.

Kl. 7. Morgunverður a la Addi, beykon, pulsur ,bakaðar baunir, spæld egg, aðeins of mikið (að venju)

Komumst að því að á barnum er þráðlaus tenging sem við ætlum að nota til að koma þessu boðum frá okkur . Erum að leita að baðaðstöðu sem okkur skils að sé í bleika húsinu í bænum (humm)

Kveðja frá áhöfninni á rosanum

Flokkur: Bloggar | Breytt s.d. kl. 13:52 | Facebook

Athugasemdir

Hæ

Ég vona bara að núna verði með ykkur straumar og vindur svo þið komist sem hraðast yfir. Addi ég vona að þú þolir hjónarausið í þeim Tryggva og Jóni Inga, þeir eru stundum alveg eins og gömul hjón. Ég veit að þið farið varlega annars er mér að mæta.